الرئيسيةالبوابةس .و .جبحـثالأعضاءالمجموعاتالتسجيلدخولالتسجيل

شاطر | 
 

 رواّيـــة بين السـراّب والحـب نظـره ..!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
King of tears
المدير العام
المدير العام
avatar

ذكر عدد المساهمات : 99
نقاط : 27180
العمر : 27
الموقع : الزقازيق
العمل/الترفيه : طالب
المزاج : Sad
تعاليق : اكتب الشعر فى زمن لاشعر فيه

مُساهمةموضوع: رواّيـــة بين السـراّب والحـب نظـره ..!   الثلاثاء أغسطس 10, 2010 10:29 am








الجزء الرابع:

ام مازن:مازن وين اخوك سامي من زمان ادق عليه مايرد علي؟ماتدري عنه؟
مازن:مادري عنه وانا بعد دقيت عليه اكثر من مره ابي سيارتي لأنه طلع بها
ابو مازن:وانت ماتهمك غير مصالحك
مازن:يعني وش اسوي؟ شرايك بعد اقول له خد السياره حلال عليك مابيها؟والله حاله هالبيت
ام مازن:مازن عيب اترد على ابوك كدا
ابو مازن:والله مادري شفيه هالولد متغير..ماكنت كدا ابد ياولدي شاللي قلبك
مازن:ولا شي
في هالوقت يرن التلفون
ابو مازن:الو؟...........وعليكم السلام.........اي نعم............لاحول ولا قوه الا بالله.....اي مستشفى.........طيب مسافة الطريق .....مع السلامه
مازن:شصاير؟
ام مازن:رد ابو مازن شصاير؟
ابو مازن:مازن تعال معاي انروح المستشفى اخوك مسوي حادث
طلعوا ابو مازن و مازن وبقت ام مازن بصدمتها
ــــــــــــــــــــــــــــــــــــ
في مستشفى المواساة:
ابو مازن:السلام عليكم
الدكتور:وعليكم السلام
ابو مازن:خير دكتور شصاير؟
الدكتور:خير ان شالله،اهو صابه مجرد كسور خفيفه سوينا له جبس والحمد لله
مازن:و سيارتي؟
ابو مازن:مو هامك الا السياره انت؟اسكت
مازن:يعني بالله عليك انت يادكتور داق علينا بس عشان هالكلمتين؟
الدكتور: عشان تاخذوه و تنتبهوا له
ابو مازن يناظر ولده بعصبيه ويرجع نظراته للدكتور:مشكور اخوي ماتقصر والله
ــــــــــــــــــــــــــــــــــــــــــ

سماهر دخلت البيت وراحت الى غرفه اخوها ماجد عشان تاخد الاغراض اللي وصاها بها
راحت الى غرفته واهي جايتها لهفه اتشوف الصور
فتحت الالبوم
أول صوره شافتها صوره جماعيه... ماجد و علاء و نادر الي شاق حلقه من الوناسه
الي بعدهم صور خاصه في ماجد.. مرات في استيديو كادو.. أو محمد شبيب.. أو الوليد .. أو غيرهم ماعرفت رموزهم..او انهم يكونوا عاديين في الشارع او البيت و كذا... آخر الألبوم شافت صوره لعلاء وهو صغير معاه بنت
حست الوجه مألوف عندها.. اتخيلته كان يحبها في صغره و ضحكت عليه.. والي أكد لها هالشي انه كان ماسك ايدها

علاء دخل من برا البيت واهو يصارخ :سماهر...سماهر؟
سماهر نزلت خايفه من الطابق الثاني:بسم الله شصاير؟
علاء:ولا شي بس حبيت اتطمن على اختي!عيب؟
سماهر هزت راسها:الحمد لله والشكر
علاء:آآآآه فديتها
سماهر:من؟
علاء:وحده
سماهر: انزين ان ماعرفتها بكره
ــــــــــــــــــــــــــــــــــــــــــــــــــ
ماجد في السجن:افف تعبان
صادق(واحد معاه بالسجن):والله ياخوك كلنا تعبانين
ماجد:بس مو قدي ياصادق انافقدت ناس كثار كثار
باقر يغمز له:ومن فيهم؟
ماجد يضحك بسخريه:هههههه ظريف حدك
صادق حب يلطف الجو بالمزح:والله ادا مافيهم مني مناك قول
ماجد: اختي وامي وابوي واخوي اممم يعني باختصار العائله الكريمه،وصاحبي ورفيق دنيتي و بعض الناس
صادق: كح كح قلنا يا باقر فيه مني مناك
ماجد رما على صادق غرشه الماي:وتاليتها معاك
صادق:والله امزح معاك والله من زمان مانطقت بحرف واحد حبينا نلطف الجو
وبعد فتره من الصمت
صادق:شو حراااااام؟
ماجد:بالعكس حلاال ههههاي ظرافتكم كلها عباطه
باقر:احم احم اكيد ولوو
صادق:اقول فيكم خير قوموا اتسحروا بس
باقر:ننتظر الشغاله اتجيب الأكل
صادق:الاخ فاكر حاله في بيتهم الشغالات متلايمين عليه يسألونه شيبي
باقر:والله كاهي الشغاله واقفه تنتظر
صادق:ياشيخ عيدها مره ثانيه؟
باقر:بس انت بتصير مثل السواق تقريبا يعني مانقدر انقول شغاله الى مذكر وييييييو،يلا اشوف روح جيب لنا سحور زي الناس و معاه بايسن يلا اتحرك
صادق عجبته اللعبه:وهدا نفر ثاني وش يبغا مسكين مايإرف يقول وش يبغى
ماجد:يلا اتحرك لا اتوطا ببطنك بس
صادق: هههههههه امرك سيدي
راح صادق و رجع :شباب باقول لكم خبر ،ترا مافيه الا تونه
ماجد:إنا لله
باقر:مافي اندومي على الاقل
ماجد:وجهك انت تاكل بعد اندومي
باقر:احسن لي من اكل التونه
ماجد:امرنا لله
صادق:وادا ماعليكم امر استبدلو البايسن بالماي ترا احسن
باقر:روح شوف شغلك
ــــــــــــــــــــــــــــــــــــــــــــــــــ
اليوم الثاني في بيت ابو ماجد
الساعه 2 ونص الظهر
سماهر:هاااااي علاء
علاء بصوت بنوتي:هايات سماهر
سماهر:ادخل لو ممنوع؟
علاء:يعني مو شايفتني سرحاااااااان
سماهر:طالعين عجل
علاء:لالا تعالي شتبي؟
سماهر:علاء اتصدق عاد الرومنسيه ماتناسب عليك
علاء:خليتها لش ،اصلا انا رومنسي اكثر من اي مخلوق احم احم ......الا تعالي وش دخل الرومنسيه اصلا الحين؟
سماهر:اممممم شوف هالصورتين لك
علاء:هدا انا؟شحلاتي
سماهر:وع اصلا اتلوع الجبد
علاء:الا اقول من هدي البنيه اللي معاي؟
سماهر:اسال حالك
علاء:مااعرفها والله
سماهر:صبا......
سكتت شوي:صاحبتي
ـــــــــــــــــــــــــــــــــــــــــــ
في بيت ابو مازن:
ام مازن تصحي مازن:مازن قوم بسك نوم ،وش فايده الصيام وانت طول عصريتك نايم؟
مازن واهو مغمض عيونه:عباده يما عباده
تدخل سامي:قوم بس قوم بسك نوم
مازن قام من على سريره واتجه الى سامي:انت بالدات تنطم احسن لك فاهم؟والله لو ماإني صايم سبيتك ولعنتك ولا كأنك اخوي
ام مازن:ياولدي وش مسوي لك هو الحين؟استغفر ربك بس
مازن:لا والله؟اللي سواه كسر لمبات سيارتي ،اصلا انا مجرد السياره يصير فيها شي بسيط خلاص مابيها
سامي:كل هدا وعشان اللمبات اللي قدام ؟
مازن:ولو
طلع مازن ومن بعدها انقهرت ام مازن وطلعت
سامي بسخريه(ولوو...،اقلب وجهك زين)
ــــــــــــــــــــــــــــــــــــــــــــــــــ
في بيت ابو ماجد:
علاء:جوعان جوعااااااان
مرام ببراءه:الجوعان وشو يسوي؟
علاء يقلد صوت الاطفال:ياكل
مرام:عجل كل وانت ساكت لاتزعجنا
علاء ولسا يقلد صوت الاطفال:ان شالله
ــــــــــــــــــــــــــــــــــــــــــــــــــ
راحت الى غرفتها وحبت تتصل على ليال عمه نادر
ليال:هلا والله
سماهر:اهلين شو الاخبار؟
ليال:مشتاقين
سماهر:احم احم
ليال:سهوره شرايش تجي لي الليله؟
سماهر:شدراني عن طريقش وين اصلا
ليال: تعرفي نادر؟
سماهر:شدخل هالسؤال في موضوعنا؟
ليال:جاوبي على قد السؤال
سماهر:اعرفه اكيد
ليال:تدلين بيته
سماهر:للأسف لا
ليال:انا ساكنه معاه بنفس البيت امي اتوفت يوم انا صغيره وابوي من 3 سنين وانا بنتهم الوحيده مالي غير اخوي ابو نادر
سماهر:الله يرحمهم
ليال:يارب،عشان كدا انا ساكنه في بيت اخوي اللي اهو ابو نادر يعني اخوش اكيد يدل البيت
سماهر:اممم يصير خير
ليال:تعالي بكره عااااااد
سماهر:اوك خلاص بكره واتصل عليش نتفق ع الموعد
ليال بفرح:اوك باي
من بعدها اتصلت عليها تغريد
سماهر:هلا
تغريد:اهلين،صج خاينه
سماهر:انا؟على شنو؟
تغريد:اخوي مسوي حادث ولا تجين ع الاقل تتحمدين على سلامته؟
سماهر: مو وقت مزحش
تغريد:لا والله
سماهر: جد
تغريد:والله جد
سماهر:خلاص جايه الحين باي
بعد نص ساعه راحت لهم
سماهر:اهلييييين سامي
سامي بفرح:هلا والله تو الناس ع الزياره
سماهر:والله توني داريه الحين ماتشوف شر
سامي:الشر مايجيش
سماهر:متى اخر مره شلت الجبس؟
سامي:للحين مارحت المستشفى عشان يغيروه
سماهر:خايب
دخل مازن الغرفه وماكان يدري ان سماهر في بيتهم
سماهر شافته واتغطت ومازن انتبه لها وانتبه انها سماهر
مازن:وليش ان شالله تتغطي منا احنا بالدات
سامي:مازن الناس اتسلم اول
مازن:مالك شغل انت
سماهر:.......
مازن: انا طالع الحين وان رجعت وشفتش فاتحه وجهش الى هدا بوريش شغل الله فاهمه
وطلع وسكر الباب بقوه
سماهر:اف قرف والله سامي اخوك دبل كبدي.. غثني انا بروح البيت
سامي:سماهر لحظه لاتتصلي على احد
سماهر:نعم؟
سامي:ترا اهو ناوي عليش
سماهر باستغراب:على شنو ؟
سامي:مادري بس الي فهمته انه يبي يخطبش
سماهر:انا؟انا يخطبني هدا؟قلوا الرجاجيل؟... والله لو على موته ماقبلت به ،بس انت يا سامي متأكد من هالشي؟
سامي:كثر ماأنا متأكد انش قاعده معاي الحين...،سماهر انا ماتمناش له،مايستاهل صراحه
رجع مازن مره ثانيه وكانت لسا فاتحه وجهها ومن بعدها اتغطت مخصووص لمازن
مازن:وانا شقلت؟
سماهر:شقلت؟
مازن:ليش ماتغطيتي منه؟لا وقاعده معاه بعد
سماهر:بكيفي
ــــــــــــــــــــــــــــــــــــــــــــــــــ
راحت لبيتهم بعد ما طقت راسها في الخيال بالطوفه من القهر. وكانت امها في استقبالها
ام ماجد:هلا والله ببنتي الغاليه
سماهر باستغراب:هلا ..يمه انا بروح انام
ام ماجد:لا اتسحري اول
سماهر: ان شالله
علـــى مائد ــة السحوــر:
سماهر: علاء بكره الليل ابي اروح الى ليال
علاء:اوك انا اوصلش
سماهر باستعباط:ماسألتني وين ساكنه
ــــــــــــــــــــــــــــــــــــــــــ
اليوم الثاني
علاء يتصل على نادر:هلا والله
نادر:اهلين
علاء:شوف اختي بعد نص ساعه جايه يعني تقريبا ع الساعه 9 ونص قول لعمتك مو توقفها عند الباب
نادر:افا عليك على طول نفتح لها الباب
علاء:باي
بعد نص ساعه وصلت سماهر وعلى طول راح علاء ...
يرن الجرس
ليال:اوه هدي سماهر ... نادر روح افتح الباب باقي احط لي كحله
نادر:ياحنا ايا المكياج
[color:2984=#000
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dreameg.yoo7.com
 
رواّيـــة بين السـراّب والحـب نظـره ..!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احلام مصر :: O.o°" "°o.O منتديات الأدب O.o°" "°o.O :: القصص والروايات-
انتقل الى: